ဆင်းရဲလေလေ သံဝေရရ ဓမ္မမေဒနီ လေးချိုးကြီး

(၁)  အနို့တကယ်- သို့အသွယ်သွယ်တွေပေါ့နှော . . .

      ငတို့နယ်တောရဂုံအညာမှာ၊ တလောတချီ က,သလိုပ၊

      ဘို့မယ်၊ စောဥမ္မာ၊ ယောဂီဒကမတွေနှင့်၊

      ဂေါသီလလိုပေါ့၊ တောမှီတပသအသွင်နှင့်မလျော်။

     (အိုကွယ်)လောကီဘ၀တွင်ဖြင့်၊ ချောမည်လို့ လှကြတဲ့၊

     ဟောသည်ဒကမတွေကြောင့် ထင်ရဲ့နော်။          ။

(၂) သြော် . . . တချို့ယမင်းတွေနှင့်၊ တို့အသင်းမှာတော့

     ကိုယ့်မင်းကိုယ့်ချင်းအတွင် တ,ကြတဲ့

     သခင်မများစွာ-အနှာတွေရှောင်လို့မို့၊

     သာသနာအသရေဆောင်-ယင်းသို့သောဘာဝနာကသိုဏ်းတွေနဲ့

     မြန်မာပြည်ဘောင်-မင်းတို့တောအညာစစ်ကိုင်းဆီက . . .၊

     အများသဒ္ဓါပေါက်သဟာကို၊ စားခါသောက်ခါနှင့်မဆိုင်းချင်ဘု၊

     ဌာနီမှာ - ပါတီဂိုဏ်းတွေနှင့်၊

     အစားကောင်ဒကာတွေမှာ- ငါးထောင်အသပြာဝိုင်းချိန်မို့၊

     အို! ဖိုးကြားတို့ရဲ့ . . . ကိုးရိုးကားယားနှင့်၊

     အမျိုးသားမညီခင်မှာ - ယိုးဒယားပြည်တစ်ခွင်စိုင်းရော့မယ်လို့၊

     အနှီ “သခင်မှိုင်းကြီး” ကြံစည်သော်လဲ့၊

     စန္ဒီအဘော်အလှော် - ဘေဒါ၊ ကေသာက စပါလို့၊

     နာမည်ကျော် - ခေမာဒကမတို့က

     အစစ, သို့အရာရာ - ညှိုးငယ်စရာကျကျပြီးတော့၊

     ကျမတို့မှာ - ကိုးကွယ်ရာမဲ့ကြလျှင်ဖြင့်၊

     တပဲ့မတွေ တစ်မူကွက်ပါလို့၊ လူထွက်မယ်တစာစာလျှောက်ပြန်တော့

     ညှာထောက်ခါ သနားရတာကလဲတစ်ဖက်ပေမို့၊

     သြော် . . . ဆူသမို့ - ပူသမို့ - တစူစူညို့ကြတဲ့၊

     “ဟောဒီ” သူတို့အပါးကဖြင့်၊

     တစ်ဖ၀ါးမျှ - မသွားမကြွသာလို့ ပျက်ရတဲ့ပြင်၊

     လက်စပြန်မပြောချင်ဘု - ခက်စရာ့အတန်တန်ပေါပေတဲ့၊

     သံယောဇဉ်ကြိုးတွေကလဲ ဆိုင်းချိန်မို့ . . .၊

     မပြေးချင် - ပြေးချင်မှာ - ကြွေးရှင်တွေ ၀ိုင်းသလိုပ၊

     စစ်ကိုင်းဘက်ဝနာအပေါ်မှာနော်ကွယ်၊

     ကသိုဏ်းတစ်ဖက် - ဂိုဏ်းအတွက်ကယ်နှင့်- “မှိုင်း” ခက်ပါသော်။  ။

(၃) အများသောခမျာ၊ လာလေ,လာလေသမျှတွေကဖြင့်၊

     တရားဟောကာ စာပေချရသနဲ့၊

     တစ်ခါတလေမှ အားကွက် - နားကွက်မပေါ်။

     မယားအတွက် - သားအတွက် ပျော်သလိုပ - သံသရာတရိုး၊

     “အိုကွယ်” အမှားသက်သက်၊ အလကားခက်တော်မူရပါတဲ့-

     ကံကြမ္မာတစ်မျိုး။   ။

(၄) အများတွက်တာ- ဘ၀စကြာသို့၊

     အစစခက်ပါသမို့လဲ - မြန်မာ့လက်မှာ - ရွှေတွေငွေတွေလျှံဖို့လို့၊

     ပဝေယမန်လက်ရှိသမထတစ်မျိုးပေပ၊

     ချေချေငံငံ - အဂ္ဂိယမှလဲ မထိုးရသော်လဲ၊

     အမျိုးဘာသာ သာသနာတည်တဲ့၊

     အညာပြည်ထိုသမိုင်းမှာတော့၊ ဗမာပီပီနဂိုမရိုင်းပေတဲ့၊

     အာဇာနည်ဗြဟ္မစိုရ်ဂိုဏ်းတွေပေါ့ . . . ၊

     အမယ်မင်း . . . အပျိုဟိုင်း၊ အအိုဟိုင်းတွေနှင့် ထိုစစ်ကိုင်းမှာဖြင့်၊

     အကုသိုလ် အပုံတိုးစေဖို့၊

     “အို . . .မယ်စန္ဒာရဲ့” ရှိုတိုင်းရှိုတိုင်း၊ ဖိုလ်တစ်ဂိုဏ်းနှင့်၊

     ဟိုကသိုင်း ဖွင့် - ဖွင့်ပြီးတော့၊

     သြော် . . . အလိုအတိုင်းကျင့်ကြစေဖို့ - ကိုမှိုင်းနှင့် အခုလိုကြုံသကိုး။                 ။

                                                                   သခင်ကိုယ်တော်မှိုင်း

                                                                   လေးချိုးပေါင်းချုပ်မှ